الحب فين الي بتسهروا له الليل
و بعدين لحد امتى هدور عليه
بقيت بفكر بالساعات
هو انا كبرت و وقتي فات
ولا مشاعري خلصت و قلبي
راضي بالمكتوب انا دايما راضي
صابر من لما كنت صبي
فتحت لقيت الوحدة قصادي
فحولت حياتي لمونولوج
ملقتش للبشر كتالوج
زهرة الشباب مليانة شوك
و بحر احزاني كله موج
حقيقة كان لازم قلم للقصيدة
عاملت عقول كانت مريضة
الغدر في ملتهم كان فريضة
و القلب جريح
احاسيس دبلانه كانه فصل الخريف
لا بيأثر ذم ولا بيأثر مديح
و المسكنات مبتوقفش النزيف
الحب فين الي بتسهروا له الليل
و بعدين لحد امتى هدور عليه
بقيت بفكر بالساعات
هو انا كبرت و وقتي فات
ولا مشاعري خلصت و قلبي
في وحدة و صراع في الليل و صباح
داء بدون لقاح مركب بدون شراع
الحب فين قولوا اني بسأل عليه
المتاهه دي اخرتها ايه
لو نده كنت رديت
الدنيا جابتنا الدنيا وديتنا
في لحظة هزتنا في التانية رسيتنا
لو مشاعركو حقيقية بجد كانت شدتنا
بطلنا نحبوا في اللي بيموتنا
رفضت اسيب روحي للمخدرات
رفضت ادي طاقتي للمزيفين
فوقت و عرفت ليه ملقتش اجابة
عشان كنت مش بسأل غير الكدابين
تعليقات
إرسال تعليق